UPDATE: Sluitingsdatum - 30 November 2009

Die reels is eenvoudig.

Skryf ‘n kortverhaal in een van die kategoriee gelys en stuur dit per e-pos na diewerf@live.co.za

Dit moet tussen 1500 en 4000 woorde beslaan.

Kies tussen een van die volgende kategoriee:

• Romanse
• Humor
• Ware lewensdrama
• Gruwel
• Staaltjies
• Poesie

In die geval dat jy kies om te dig is jy nie gebonde aan ‘n sekere hoeveelheid woorde nie.  Doen egter die moeite om ‘n kort beskrywing van jou gedig in te sluit sodat die beoordeelaar weet waarna hy / sy kyk.  Jy sal nie benadeel word sou jy verkies om ‘n gedig in te stuur nie.

GEEN van die stories gaan hier gepubliseer word voor die kompetisie nie sy gang geloop het en die wenner aangewys is nie.

Al die stories wat ingedien word sal die gemene eiendom van die skrywer en Die Werf word.  Die stories kan (en sal ook) van tyd tot tyd hier geplaas word vir almal om te lees.

Al die stories sal na die kompetisie sy gang geloop het en die wenner aangewys is in ‘n bundel saamgevat word en vir “download” vrygestel word - gratis (vir die nabye toekoms).

Die prys sal ‘n R500 geskenkbewys van Woolworths wees.  Geskenk deur Anoniem

En daar is net een prys…daar mag wel ‘n tweede prys wees vir die naaswenner, maar dit sal dalk iets in die lyn van ‘n nice bottel wyn (of iets anders in daardie lyn) wees.

Die beoordeelaar sal bekend gemaak word sodra die sluitingsdatum aangebreek het.  Dit sal ‘n persoon wees wat GEEN bande met Die Werf het nie, geensins hier uitgehang het oor die laaste twee jaar nie en hy / sal sal onafhanklik kan optree.  Die beslissing sal finaal wees.

JY MAG MEER AS EEN STORIE OF GEDIG (OF BEIDE) INSTUUR AS JY SOU WIL.  Meer as een inskrywing verdubbel jou kanse .

Laat weet soveel mense as jy wil.

Ek tag die volgende 6 mense om ook elk vyf te tag…

Emil, Johan, Dellie, Zee, Mnr Kroese, Flatwhite se ouens