My na ander post vandag het ek toe sommer verder gedink en ek wonder hoe mans en vrouens voel oor voorspel.  Verkies vrouens die voorspel om te begin die oggend voor die aand?  Ek vermoed mans se voorspel is nie so lank nie? Of hoe?  Dit laat mens wonder hoe elkeen voorspel sien en wat is voorspel.  Vir my begin voorspel ‘n glimlag enne koppie koffie, met lekker geselsie en dan so effe van ‘n flirtery en dan miskien deur die dag ook.  Die simpel “dreig” oproepie deur die dag. Lekker rooiwyn die aand by die huis.  Saam kosmaak en sommer net saam wees. Hmmmmmmmmmm dan moet daai mos nou elke aand wees. Hiehiehiehiehie.  Hier sal ek nou maar eerder afsluit want hier kan DIK geheime uitkom.  Bwhahahahahahahah

More Almal.

Ek sien dit gaan baie goed hier.  Ek se sommer byvoorbaat dankie namens Pagoda en myself dat julle ons nuuswaardighede kom lees.

Gisteraand toe kyk ek die Groen program op Kyknet.  Ek onthou die volgende stelling:  Net mense en gorillas het seks vir plesier.  Nous daar kontradiksie:  Net mense en dolfyne het seks vir plesier.  Confusing ommie minste te se.  Wat is julle opinies?

Gaan besoek gerus…die eerste groepie mense wat gereageer het op ons versoekie is gelaai.  Laat kom die datums…ek sit dit enige tyd by!

More almal

Jeez ek het weer gisteraand gelag dat ek huil vir Oor die kole met Toks en Kobus.  Ek vermoed ek is nie regtig wel nie, maar dammit daars darem niks lekkerder as lag oore simpel ding nie.  Fanie Lombaard, (die gas) was helemal te veel vir ou Toks.  Ek het my gebreek toe die Fanie (parapleeg en Olympiese diskus gooier) vir Toks se toe Toks hom vra wats die criteria vir deelname aan die olympiese spele en die Fanie hom antwoord:  Toks jy sal val in die mentally handicapped.  Man dis mos nou humor uit die boonste rakke.  Corny maar donners skerp. 

Dit laat my eintlik dink aan lekker lag stories wat al met myself gebeur het.  Altwee natuurlik in die bleddie kerk (my luck).  Net getroud, sit en en die man in die kerk en eks mos ‘n vreeslike bedrewe girl. HIehiehiehiehie.  Ek het die knope aan die pak aangewerk en man daar vergeet ek die tolletjie gare in die hand van die baadjie.  Die simpel man voel die gare en begin trek.  Maar disse vol tolletjie gare en hy trek en naderhand sit hy mette hele hand vol gare.  Ek huil en skud soos ek lag.  Ek moes naderhand uitloop want ek sou kliphard uitgebars het van die lag.

Ons gaan ook die eenkeer na ‘n troue toe. Manlief kom net vannie golf af en hyt ekstra klere in die kattebak.  En so waar as wragtig pak hy stukkende skoene in.  Nou sit hy in die kerk en kort kort speel hy met die sool van die skoen wat los is.  En in die kerk, speel jy nie.  Dis taboe en ons wat in dieselle ry sit, giggel ons simpel man.  Nou ja die paartjie toe nou getroud en almal loop nou uit.  Ek loop gelukkig agter die man en toe hy sy voet by die kerdeur uitsit, skiet daar bleddie sool los en vas teen een van ons vriende se kop.  Kyk ne, as jy my persoonlik ken sal jy weet, dis nou eenmaal te veel vir my.  Ek bars uit van die lag.  Die res van die gaste skree soos hulle lag en die arme man mettie sool teen die kop, le naderhand op die grond soos hy lag.  Wat kan dan meer snaaks wees.

Kom vertel ons bietjie van jou snaakse ondervindinge.  kerk of te nie. Hiehiehiehiehie

Lekker dag verder

Phibbie

Sien een van die dae verjaar ek.  Almal het altyd die gewoonte om goed te koop wat ek nie wil he of ooit sal gebruik nie.  By Pappa soek ek ‘n “eternity” ring.  Hom sommer Saterdag oggend saam gesleep juwelier toe, maar nou is die vraag, het hy die skimp gevang.  Of tref skimpe net varke.  Ek raak sommer bedonnerd, want dis wat ek soek.  Niks anders nie.  Ek vermoed ek sal hier erg moet konkel vir daai skimp om hom te tref.  Nou die ander familie.  My ma het die beste “knack” om ‘n geskenk te koop wat ek nooit sal gebruik of dra nie, maar ek waardeer dit regtig.  Ek bere dit forever.  Wat doen ek, stuur ek lysie en se wat ek soek of gaan ek konkel konkel deur die verjaarsdag moet gaan.  Maar o my donner, gaan ek upset wees as ek self daai ring vir my moet koop.  Eish.

Na ek gedink ek sou vanmore diep depressed en lekker innie k@k gewees het, was dit toe nou nie so erg nie.  Jy sien die ding is so.  Ek hou daarvan om dinge te doen en dit dadelik te doen.  Mens koop nie teels etc en laat dit 3 maande le en wag tot iemand besluit dit moet nou gedoen word want die tyd is reg nie.  Na so 2 weke se deurdenkte opsies besluit ek dis nou hoe dit is en dit moet gedoen word.  Gister toe kap hulle al die ou teels af en nou staan die fan en blaas die mure droog.  (Nou daai droog blaas affekteer die voorportaal se muur ook en man is ek noual op met daai muur).  More kom sit hulle die nuwe teels in en seel die mure behoorlik.  Maar Pappie het nie geweet hy gaan gisteraand by die huis kom en daar is nie stort in die en-suite nie.  Eish.  Man en gisteraand is hy juis nie lekker nie en ek drop sommer die bom, maar ek vererre vir myself erg.  Maar ek hou my koel, want eks mos ‘n goeie vrou en GLADNIE ongeduldig nie. 

Vanmore moet Pappa in die ander badkamer gaan stort.  Klaar gestort.  Ek besig met broodjies vir hom.  (Maak nogals bleddie lekker broodjies want eks mos effe in die stront en soek DALK witvoetjie).  Vra ek so ewe:  “Werk die ander stort darem nog reg?”  Ek wag in spanning vir die hou om te val, maar al wat ek gese word is: “Ja, dis nogals goed om te weet”.  Tsk.  Bleddie man.

Ja man, ek weet is nou lang aanloop, maar ek besluit toe nou om vanmore te bad vir die eerste keer in maande.  (Ja toe ek stort want die stort is mos en-suite.)  Was dit nou lekker, vol skuimpies en die water vuurwarm.  Toe dink ek mos nou terwyl ek in die bad is, is bad ongesond of hoe.  Ek weet hulle se stort gebruik baie minder water.  Ek dink nie hulle weet hoe lank stort Pappa nie.  Wat dink julle?